” اللي حصل انه ابني كان في عيد ميلاد لبنت قريبتنا، وكان معه بنت كمان قريبتنا واتنين من صحباتها، اتأخروا في الوقت فمينفعش ينزلوا، الساعة 6 صباحا نزل من عيد الميلاد ومعاه قريبتنا واتنين من صاحباتها.
وقالهم انه لازم اروح البيت لأمي لانها بتنزل الشغل، اخدوا توكتوك وهما في الطريق جه اتنين سايقين مواتر “مكن” ، موتور عليه واحد والتاني راكب عليه اتنين، بيقولوا للبنات في التوكتوك رايحين علي فين وتعالوا هنا وبعدها وقفوا قدام التوكتوك، نزلوهم وواخدينهم قام ابني قالهم انتوا واخدينهم علي فين دول اخواتي، طلعوله المطواه وقالوا له امشي من هنا. وكملوا تهديد للبنات بالمطاوي، شالوهم طلعوهم فوق شيل في البيت في بيتهم، هو مارضي يمشي ابني ، اتسحب وراهم لغاية ماعرف البيت ويستخبي ورا العربيات، ام الشباب في البيت شافته من البلكونه، لما شافته قالت لاولادها انزلوا هاتوا الولد ده عشان مايعملناش مشكلة ونزلوا جريوا وراه ومسكوه.
اخدوه فوق وقالوله دي اختك ، حلقولها راسها، وضربوهم والله اعلم اغتصبوهم ولا لأ، الطبيب هو اللي المفروض يأكد الكلام ده، فقالهم دي اختي، قالوله انتا عامل نفسك راجل احنا مش قولنالك امشي انتا ليش جيت ورانا،قالهم دول اخواتي مااقدر اسيبهم. وبدأوا يضربوه وهو كان بيقاوم جت ام الأولاد بحديدة فضلت تضربه علي رجليه ولسه وارمين مش قادر يمشي.
قلعوه بنطلونه وحرقوه في المناطق الحساسة، وبعدها اخدوه يغسل المواعين ويخلوه يقول انا قواد زي ماباين في الفيديو هو مش فاهم يعني قواد ولاشاف قبل كده في حياته حاجة زي كده، والخوف والرعب كان في عينيه باين. هو في قواد عنده 14 سنه ده طفل، ده طفل. ده ظلم فعلا.
_ بخصوص البنات الي كانوا معاه واحدة منهم عروها والتانية حلقوا شعرها ، هل الكلام ده صح؟
انا مشوفتش اللي حصل وقتها والمفروض الجهات المسؤولة تقول ايه حصل، بس الي حلقوا شعرها شوفتها ومشيت معاها للقسم وهي كمان قلعوا هدومها، وعملنا المحضر مع بعض ومشينا النيابة مع بعض.
وفي النيابة حكمت عليهم ب 15 يوم لأن فيه ولدين هربانين، الولد الي نزل الفيديو ما كان موجود وقت ماكانوا بيعذبوا في ولدي والبنات، صراحة ما كان موجود. الأولاد الي كانوا بيعذبوهم في منهم اتنين هربانين ماجابوهم لسه.
وسألوا الولد في النيابة مين ضربك من دول، وشاور عليهم
والبنت الي اتحلق شعرها في مين من دول حلقلك، وشاورت علي الست وقالت انها قالتلها اقلعي هدومك عشان اشوف صدرك، وقلعتلها هدومها، وعملت كده فعلا الست المصرية ام الأولاد دول عملت كده مع البنات واعترفت في النيابة وهيا في الحبس دلوقتي مع الباقي منهم.
بعد مارجعت البيت من النيابة جالي من عيال الست واحد بيقولي انتي لازم تتنازلي لان امي ماينفعش تقعد في القسم، وفي النيابة الست اغمي عليها وابنها الي مش متكلبش قالي انا هقتلك، ووكيل النيابة امر بكلبشته ووضعه في غرفه اخري.
– ليه تقعدي في البيت في رعب وخوف ومع كل حد بيضرب الجرس بتخافي تفتحي الباب؟
انا ماعندي مكان تاني امشي ليه، انا ماعندي دعم ولاحماية ولاحالتي المادية تساعد
– عاوزه ايه من الناس وانتي عندك كل الظروف الصعبة دي؟
انا عايزه منهم يساعدوني اخد حق ولدي لانه اتظلم وهو قاصر ، صغير عنده 14 سنة، ليه العنف ده . العنف ده حتي مع زول كبير مايتحمله، وهو مابينامش الليل دلوقتي وكل ماينام يقوم مفزوع وانا مابقدر افتح الباب بكون خايفه، خايفه انهم في أي لحظة يجولي وهو مش كويس، ومشيت للun ( تقصد مكتب المفوضية السامية للأمم المتحدة لشؤون اللاجئين بمصر) ماقدرتش أوصل للشباك ومشيت لسان اندرو ووريتهم الفيديو قالوا لأ، لازم يجي تقرير من ال un
….
انتهى جزء من شهادة أم الطفل الجنوب سوداني المعتدى عليه حول الواقعة،خلال الأيام الماضية وبعد صدور بيان من النيابة العامة حول الواقعة ( والذي يفيد بوقوع الخطف والتعذيب والاعتداء البدني، مع عدم التعرض لذكر أي اعتداءات جنسية وقعت على الفتيات، وأن النيابة مازالت تستكمل التحقيق مع أمرها بحبس ثلاثة متهمين ووالدة أحدهم على ذمة التحقيقات) علمنا أن النيابة العامة استدعت والدة الطفل والفتيات المعتدى عليهنّ لسؤالهم/نّ مرة أخرى، وقد علمنا من القيادات المجتمعية التي تتابع التحقيقات عن قرب بأن الفتيات المعتدى عليهنّ شهدن بوقوع اعتداءات جنسية عليهنّ… مازلنا في انتظار الإعلان عن نتيجة التحقيق في القضية وإحالتها إلى محكمة الجنايات للنظر فيها
…..
سوف نبقيكم على اطلاع دائم حول تفاصيل القضية، ولمتابعة ما قامت منصة اللاجئين في مصر بنشره خلال هذه القضية منذ بدايتها:
– الإثنين 3 مايو: نشرنا جزء فيديو الاعتداء على الطفل مع تجهيل هويته حفاظا على خصوصيته، وطالبنا الجهات المسؤولية بالتحقيق في الواقعة
– الثلاثاء 4 مايو: شهادات وافادات تبرز تفاصيل جديدة في القضية
– الأربعاء 5 مايو: فيديو الاعتداء على الطفل وتفاصيل الواقعة والشهادات والافادات باللغة الانجليزية
– 6 مايو بيان من سفارة مصر بجوبا حول الواقعة:
– بيان النيابة العامة المصرية حول الواقعة:
– شهادة الطفل اللاجئ من دولة جنوب السودان في مصر حول واقعة الإعتداء
